Kjeldebruk og kjeldekritikk

Når du skriv ei oppgåve er det viktig å finne gode kjelder for informasjon. Men korleis kan du stole på det du finn? Det er viktig å utøve kjeldekritikk for å finne eigna og kvalitetssikra informasjon.Du kan ikkje klippe og lime andre sitt arbeid som ditt eige. Korleis kan du bruke andre sine tekstar utan å plagiere? Det kan du lære meir om på sida vår om kjeldebruk og kjeldekritikk.

Kjeldekritikk på nett:

Utgjevar

Kven er kjelda til informasjonen - hugs at kven som helst kan legge ut informasjon på nettet, til kva for eit føremål som helst.
Kva for ein autoritet har personen/organisasjonen/verksemda som har lagt ut informasjonen?
Finst det opplysningar om personen/organisasjonen?
Er personen/organisasjonen kjend innan feltet?
Er det nokon som refererer til denne personen/organisasjonen (kjelda)?
Er det mogelegheit for å kontakte kjelda pr. telefon, faks eller e-post? Står adressa på nettstaden?

Føremål med sidene

Kva er motivet for å legge ut informasjonen? Er denne reklamen, propaganda eller faktum?
Er kjelda nøytral, eller finn du eit sterkt farga syn på saka?

Truverd

Er språkbruken truverdig? Finn du mykje skrivefeil?
Har nettstaden ein klar og tydeleg layout? - Har nettstaden ein god og korrekt lenkesamling til andre aktuelle nettstadar?

Utgjevingstidspunkt

Er informasjonen ny eller gammal? Når vart sidene sist oppdatert?

Søk og skriv og Kildekompasset hjelper deg også vidare med referansar.

Kildesøk

Bli betre til å søke på internett! God søketeknikk handlar om korleis du vel søkeord og kjelder å søke i.

Bruk forskjellige kjelder: Google scholar, DuckDuckGo, A-tekst (via Its-learning)

Google er verdas mest brukte søkemotor og her finn du nesten alt du leitar etter. Etterfølgande nokon tipps korleis du gjera leitinga raskare og meir effektiv:

1. Søk på ei bestemd nettside

ein svært presis måte å søka på
i søkefeltet skriv du "site:" følgd av nettsida du vil finne
til dømes: site:asv.hfk.no (hugs at det ikkje er mellomrom etter kolon)

2. Søk på filtype

dersom du veit at du leiter etter ein wordfil, excelfil eller pdf, skriv i søkefeltet "filtype:" følgd av søkeordet ditt
til dømes: pdf:skulerute Askøy

3. Fraser

bruk hermeteikn for å leite etter ord eller frasar
når du bruker "søkeord" søker Google nøyaktig etter ordet
ein bra måte for å søke opp personar eller produkt
til dømes: "Zlatan"

4. Utelat ord

nokon gonger blir ein hindra for å få gode treff. Søkar ein t.d. etter Paris, kjem det mykje om Paris Hilton. For å hindre å få med opplysningane om henne skriv du i søkefeltet: Paris -Hilton

5. Ordbok/Leksikon

Google har eit innebygd ordbok, som hjelper deg å finne ut tyding av ord, særleg på engelsk
skriv "define:" følgd av ordet
t.d. define:website

6. Kalkulator

Google har òg ein innebygd kalkulator
du kan bruke pluss, minus, ganga, dela og du får òg rekna ut prosent
t.d.: 8*5+40

Dette var nokre døme til meir presis bruk av Google.

Det finst fleire verktøy som gjer livet med Google enklare, t.d. klokkesøk (time Tokyo), Valutakalkulator ( 10 USD in NOK), værsøk (vêr Kvamskogen), kartsøk (kart Askøy) og nokon fleire.

Google advanced søk

Prøv sjølv!